Marie Klåpbakken Trio // Sommarkveld i gamlekyrkja

Marie har gjennom 13 sesongar som fast felespelar i husbandet på Hver gang vi møtes vore ein sentral musikar bak tolkingar for dei aller fleste av landets største artistar. Ho har vore finalist i Melodi Grand Prix, og hennar eigne utgjevingar har passert over fem millionar avspelingar på strømmetenester. Anmeldarar skildrar henne som «varm, nær og uvanleg ekte», ein artist med «ei formidlingsevne som går rett i hjartet».

Til Hol kjem ho saman med eit av sine mest særprega musikalske samarbeid: Olav Mjelva frå Røros, ein av landets fremste felespelarar med internasjonalt ry, og Hans Martin Storrøsten, ein gitarist med både driv, nerve og eit heilt eige klangspråk. Saman skaper dei ei musikalsk verd der folketonar, moderne uttrykk og filmatisk intensitet smeltar saman.

Konserten byr på heilt nye låtar, tolkingar frå Maries katalog og kjende favorittar, alt framført i eit rom som gjer musikken varm, klar og nær. Publikum får ei oppleving som er blitt omtalt som «melodisk, djupt rørande og full av kraft», ein kveld som gir både glimt i auga og tonar å bere med seg vidare.

Velkomen til ein sommarkveld der musikken, rommet og historia møtest, i Hol gamle kyrkje.